KOMPA! MAGAZINE

[kompamagazine]

Yon fanatik MONTREAL ki voye messaj sa pou KDANS.
___________________________________________________________

Pat,

Se yon fanatik konpa nan Montreal ki voye ti messaj sa pou ti mesye K-dans yo, si ou gen chans ou mèt li'l epi mete li sou board la paske mwen panse li ka ede anpil moun konpran'n sak kap pase djazz la kounye a. Se byen domaj mwen inskri sou board ka men mwen pa jwenn privilèj pou mwen patisipe nan diskisyon yo.

K-Dans

Djazz ki raple anpil bèl souvni nan kè anpil jèn gason ak jèn fi. Kilès moun ki pa sonje ki dega antout franchiz fè, kazwèl, elatriye. Dènye album ki soti la a ki se yon bèl album, mizik mwen pa jan’m sispann tande se sipèsta. Pwoblèm K-dans semp tout moun ap pase sou kote san yo pa di vrè pwoblem nan.

Ti mesye Carimi yo pat ko fè nèg yo anyen, pi gwo kou nèg yo pran se lè yo pèdi manager yo Carl Henry Desmornes, misye konnen ki kote li vle mizik li ale, nan konseye ti mesye yo ak nan di yo kisa ki bon a kisa ki pa bon. Pote bèl text ba nèg yo. Men domaj li pèdi madan’m ni nan yon kondisyon ki difisil e li vinn lage ti mesye K-dans yo sa’w tande a tout pwoblèm eklate.

Nèg yo vin pran Rooseley sou Keyboard la men domaj ankò nan pa ba misye ligne djazz la, misye vinn gen twòp libète nan vini ak yon son ki pa catchy, Solo misye yo pa sanble ak djazz la. O lie nèg yo tounen nan rasin group la ki fè tout ti jèn gason ak jèn fi te renmen yo, yal tonbe nan yon seri de bagay ki fè yo pèdi identite yo. Kòmanse rele dèyè JJ kòm kwa misye pa ka chante mizik ki chofe. Sa a pa still K-dans e li pap jan’m mache pou yo.

Nan koze ap plenyen di ke se pwoblèm animasyon yo lage Ricky ki vinn ak yon bagay ki pase mòd nan men Alex Abellard (Zin) epi kap eseye fèl andan K-dans donk Fanatik yo pa renmen sa a epi pa gen moun ki di misye anyen ki kite lap jwe tankou yon ansyen Zin. Yon nèg peye pou danse K-dans pa pou tande animasyon Alex nan men Ricky.

Epi Kompa Kreyol profite de vid ke K-dans kite a nan pa jwe souvan epi yo al chèche piblik jèn nan (Djazz la Jenès la kòmanse ap fann moun). Ki yès ki pa sonje Konpa Kreyol ak yon sèl ti mizik yo te genyen ki rele Titanik ki anraje pou jwe nan tout ti kote yo rele yo.

Donk afè ap pale de Kompa chofe sa-a men kisa li remèt nan K-dans. E Djazz la kòmanse santi pwoblè’m yo. Ansan’m ak JJ ak tout Glenny lè nèg yo jwe piblik pa reponn paske yo wè se pa Djazz yo te renmen an sa.

King-D sanble plis ak yon Guess Artist sou yon Album, malerezman andan K-dans nèg yo tap chèhe wè kijan yo ta ka regle pwoblem popilarite a yo pran misye paske misye te sot bay Djakout yon bon kout men pandan yon ti tan. Men podiab sa pa chanje anyen pou yo, donk popilarite nèg yo kontinye desan’n pi rèd. Ou santi gen nèg nan K-dans ki pat renmen mouv la mwen ta ka site JJ, men nèg yo pa wè yo pa tande yo lage nan eseye jwe menn jan ak Djakout men moun yo pa repon’n.

Management Djazz la te vinn yon pwoblèm paske manager nèg yo te genyen an te gen twòp Djazz nan men ni fè ke li pat pouse K-dans. Alfred te plenyen an piblik kont sa. Nèg yo vinn al jwenn Konpa Factory ki pa regle anyen pou nèg yo.

Pou regle yon pwoblem fòk ou pran konsyans de li men nèg yo ap kouri dèyè lòt bagay pito. JJ vinn tankou yon nèg ki pa ka di sa li panse ankò paske Djazz la chanje sou li.

Mac-D vinn nan yon bon moman li lage bèl vokal sou album nan men domaj li se yon ti jèn ki pa gen anpil experyans nan deal ak yon seri de bagay fè ke li pa apresie de bagay ki di e kifèt. Donk yon sèl ti bagay pou misye konnen si tout mizisyen tap gade sou bagay moun ap di kit se piblik la, kit se moun ki nan menn Djazz ak li ou bien lòt mizisyen, pa gen moun ki tap fè mizik ankò.

An gade Georgie, Alan Cave, Micky, Richie etc...Sa a nan biznis la e fòk ou viv ak li, men domaj misye pat prè pou jan de presyon sa yo. Yon lòt bagay ankò, tèlman K-dans bay mizisyen yo libète, nan yon album ki
pa yon live yo kite Mac-D ap fè dezòd nan fè bri ak yon vie interview ke li
fè sou album nan twa fwa (Ricky, Alfred, King-D). Kiyès ki peye sa se piblikla. Tout nèg aksepte’l e mwen bay garanti de nèg tankou Carl Henry ak Fito Farinen nan management gwoup la pa tap aksepte bagay sa-a paske ou sipoze konnen ke album ou ka tonbe ninpòt ki kote. mwen pa di yon nèg pa ranse nan bal non, men respekte yon album studio. Sa- a valab pou K-dans pou’l pa jan’m fèl ankò, ni pou Djakout kap plede site non yon seri de nèg nan yon album san rezon paske li se fanatik. Antouka manyè respekte moun.

Nan koze yon Djazz pa gen kesyon de wont, ou jwe ak yon gwoup ou renmen, Mac-D tèlman renmen K-dans ou santi ke si ti mesye yo gen chans reyini ak yon bon management misye ap retounen. Sinon Cubano, Loubert, Zouzoul pa ta retounen fè Skah Shah. Men bri ap kouri Bossa Combo refòme, Larose te retounen nan Misil malgre anpil bagay ki te rive nèg yo. Donk dan ak lang konn fache men yo toujou rekonsilye.

Fabrice Rouzier ta ka jere kesyon sa a pou nèg yo trè bien kesyon yo men'm ak Mac-D paske nan 2e interview Mac-D montre'w li vle tounen devan djazz li. Misye se yon nèg moun respekte nan biznis la donk si ti mesye yo al pale ak li mwen panse li ka jwen wòl intèmediè a bien pou yo.

E mwen bay garanti si K-dans pa poze vrè pwoblèm yo, al chèche lòt chantè pap regle anyen pou nèg yo. Yon nèg ou pa vle respekte ligne Djazz la ou ka fè yon album solo men kite Djazz la jwe jan piblik la renmen’n nan.

Dènye ti konsèy mwen ka bay K-dans pran yon lòt chantè investisman ki fèt nan dènye album nan pèdi, nou ka pi fasil rekonsilye ak Mac-D ke JJ epi mwen ta byen renmen tande album sa-a Live.

K-dans tanpri kontinye fè moun danse.

Ekzamp
Montréal
_________________
phpbb:echo dicks;

[bella_mafia1]

Très bon texte !!! Epi tout pawol sa'a yo gen anpil sens ... mwen ta'a byen renmin ke responsab K-Dans vinn fe ti lekture nan sa'a.

[BAN DEYE]

MONCHE OU FE YON BEL RALE. OU POZE TOUT PROBLEM KDANS YO NET.I STRONGLY SUGGEST THEM TO CONSIDER YOU ADVICE.

I HOPE IN NEAR FUTURE YOU WILL BE ONE OF US ON KM. MAP KONTAN ANPIL POUM LI OPINION YO. BON RALE BRO...

[philosophenoir]

kamarad lan pale li pa jis pale. Li soulve pwoblem nan epi li bay kek mwayen de solution.


Si konsey de rekonsilayon kamarad ka rive aplike, eske vreman sa ka fe k-dans tounen k-dans?




Gen telman chanjman ki fe ke bagay yo pap ka tounen jan yo te ye lontan.


Kamarad lan site Konpa Kreyol, se yon bel ekzanp....

Men ann fe yon analiz: Jan Konpa Kreyol te ap vale teren, Konpa Kreyol te menm gen kle beton an........

Ni Krezi, ni Kreyol pap janm arive fe sa Konpa Kreyol tap fe an....

e menm si yo ta reyini pou refome Konpa Kreyol, mwen semante w ke Kompa Kreyol pa tap janm menm Konpa Kreyol la.


Menm Bagay la vre pou King Kino, Larose, ti tonton yo rele Jackyto an.


Soley leve, e li kouche sou neg yo......alors se antre nan studio al repanse yon lot bagay........al fe tet a tet.........repartir a zero.



K-dans pedu idantite li lontan.

Meye bagay bagay pou neg yo fet............se reforme djazz lan.....kit se avec MacD ou bien ak Jude Jean neg yo pral bezwen tounen nan studio refe yon constitution ke yo pral egzije tout neg obeyi, epi refe yon staf ki pral fe yon travay kom si le mot k-dans pat janm egziste e ke se ta premye fwa yo pral sorti ak djazz lan.



ce qui est fait est deja fait........

pa gen jwet nan sa.
_________________
«Nègre, je suis et, nègre, je resterai.» Je suis Philosophenoir

[MusiQ]

Well said Ekzamp Montréal. I hope Kdans musicians and management take notice and fix their internal conflict and give us fans what we need most, good music.

[BABYFACE]

M ta swete ke mesye yo konsidere mesaj saa anpil.

Gen anpil ti pwen ki ka ede yo leve djaz la nan domi.

Thx for the message Pat.
_________________




HARMONIKER FOR LIFE