KOMPA! MAGAZINE

[Neg Timid]

Toxic Pawòl « Karma »

Nou pot manje sou tab Lisifè
Nan lanfè !
Pi gwo fado ke lòm ak lafam
Janm trennen !
Lè nou fè youn soufri
Pou yon moman dezi
Nou pwovoke trajedi !

Epizòd sa-a nan vi chak kretyen
Pa gen fen !
S'on mache, nou tout vin twoke
Yon bon pou yon byen
Nou depanse jodi
San panse pou demen
Menm pen kotidyen nou

Wi zanmi m ou ka chwazi yon tèl vi
Pa sezi !
Lè lavi-w tounen yon lak manti
Gen sansasyon nan fè yon lòt desepsyon
Men sa ou simen se li w'a wè
An verite li w'a va wè
Se li w'a wè
O o o o o.... !

Isiba sou latè mwen chèche
Poutan m' pa jwenn Sen
Tout zanj vin zonbi
Bouch yo fè dlo...
Douvan sèl lachè !
Vanite rann yo fou
Pwomennen nan tout twou
Èske nou pèdi wout syèl nou?

Wi zanmi m ou ka chwazi yon tèl vi
Lè ou fè li
« Karma » toujou kenbe pwomès li
Trayizon bay kokennchenn satisfaksyon !
Wi sa ou simen, se li w'a wè
An verite li w'a va wè
O o o o o ... !

Pou yon bout sipèfisyèl
Nou sakrifye lesansyèl
Lanmou ! Lanmou !

Ou ka chwazi
Wi ou ka chwazi
« Karma » kenbe pwomès li !
Ou ka chwazi
« Karma » kenbe pwomès li !


Pwopo rekeyi pa:
Nèg Timid
_________________
Richie est un grand musicien qui ne peut pas être compris du commun des mortels, car les notes qu'il émet sont trop élevées pour les oreilles du vulgaire.

[DONCUE_69]

zami pam, ou sonw gwo bout tonton sevo
but se domaj ou sonw fantom en meme tan, pa gen moun ki gen kontrol pou nou ta baw yon gwo kout lanmen pou bel zev ou kontinye ap pibliye sou KM
aya patizan
@negTimid
_________________
K- ONPA
L- OVERS
A- DORE
S- WEET
S- OUND
klass it is bebi

[modernsound]

Neg Timid, mil mesi & mwen konen se tout moun kap li kM Board la ki apresye retranscrip ou fe pou text superb mizik sa. Bon bagey!!
_________________
.........Pa chita mal pou yo pa gad amba' w......

[Neg Timid]

DONCUE_69 wrote:

zami pam, ou sonw gwo bout tonton sevo but se domaj ou sonw fantom en meme tan, pa gen moun ki gen kontrol pou nou ta baw yon gwo kout lanmen pou bel zev ou kontinye ap pibliye sou KM aya patizan @negTimid

Doncue zanmi pa m,

Mwen resevwa lanmen an nan men-w avèk anpil konsiderasyon. Li pi bon konsa ke m rete yon fantòm, lè konsa mwen rete enkane nan lespri ak nan rèv tout melomàn ak tout mizisyen... Alò mwen omniprezan, mwen tout kote, mwen toujou la, men pa gen moun ki janm wè m vre je klè. E m konn nan mitan nou tout tan m'ap swiv an silans, men lepli souvan zye konn plis konsantre sou sa ki pi enterese l la; tandiske ozalantou konn gen anpil lòt bagay k'ap pase zye pa janm wè... De tout fason, isiya ap toujou rete kay mwen, menmlè mwen vin pa gen tan m' te konn gen lontan an ankò pou pote kichòy pou nou, men mwen toujou fè ti pase lè m kapab.

Mèsi ankò frè m !

NT
_________________
Richie est un grand musicien qui ne peut pas être compris du commun des mortels, car les notes qu'il émet sont trop élevées pour les oreilles du vulgaire.

[belfam]

Love that band
I love the singer's voice
Good job guys
_________________
music is my life

[Jay Brooklyn]

Gen lontan men pa tandé yon mizik pour la premiere fois ki fè yon éfè konsa sou mwen...
Bravo, Pachou.
Bravo, Toxic!
Yon gwo kout shapo pou Ti Sherif la ki pran tan'l pou'l ekri teks la pou nou..
_________________
BAT CHIEN AN, TANN MET LI!