KOMPA! MAGAZINE

[kompamagazine]

MASS VOCAL: "BONJOU PAT
M'AP SALYE'W ANSANN AK TOUT FANATIK kompamagazine yo, paske san yo travay nap fe a pa tap gen okenn vale'si se pat sipo' yo, map di yo m'apwesye sa kelkeswa komante' yo fe" kit li pozitif ou negatif sa toujou fem plezi paske yon pran tan yo pou yo tande mizik ke mwen fe ou byen sa ou pataje de Mass vocal sou Km nan.

Rezon ki fe' mwen deside fe' ti pale sa ak fan yo se jis poum ka souliye kek bagay, paske anpil fwa ayisyen frem yo konn pa vle rantre lakay ou an fanksyon de kote ou rete, tandiske yo gendwa sot nan lelit kay yo pi sal pase kay paw, e gen plis ensekirite kote yo rete a pase kotew soti nan lamas la.

Banm rantre nan kanaval la, anpil moun fache paske mwen bay kanaval la tit manvi gwos ou, men yon pa rantre andan kanaval la pou yo we' mesaj kap degaje a. Mwen fe kanaval la an fonksyon de sa map viv chak jou de jan medam yo ap ekspoze ko yo, sou facebook, whatssap, instagram. Anpil nan yo bliye nou gonw kilti, nou gen pwop konpotman pann, e gonw fom de respe' yo ba nou a koz de s. Mwen konnen tan an chanje, bagay yo pa ka rete menm jan, men li on ti jan egzajere jan yo fel la, de seri de foto medam yo ap pataje ou byen voye bay gason pafwa m sezi.

Lem te lekol ayiti, jis kounye a m ka sonje jan yon fi te bel men mwen pa ka sonje fom kol paske, sete yon bagay prive sa te ye. Yo te konn egzije je'n fi yo pou yo met jip plise, sonw fason pou yo pa mete okenn move entansyon nan tet je'n gason, kounya yo telman amerikanize, bagay sa yo pa a lado'd pou yo, sonw fason poum di yo tout vye entansyon yo met nan tet gason de jan yo ekspoze yo.

Se sak ki fe nan kanaval la mwen di se jan nou konpote nou k pwal fe moun respekte nou. Te met pi bel pase yon lakansye depiw pa bay tet ou vale gason pap baw respe Menm ti blode ou we ' kap like foto ou a Ou pa bezwen fatigew se li'k pwal palew mal.

M' jis mande medam yo pou yo ranje chita yo pou neg pa gad anba yo. Sonw teks ki tre sosyal, li gen anpil bel mesaj ladann, pe rete etenize nou sou tit la, antre nan teks la Paske gen anpil leson yo ka tire ladann. M sonw neg ki gen anpil respe pou fanm m pa tap janm fe yon mizik pou map diskrimine fanm ni minimize yo. M konn sa yo reprezante, e se sa m vle yo mete an vale', pa lo't vye bagay lot nasyon ap pwojte, I love you all tout fanm kreyo'l mwen yo. Mesi anpil pou sipo nou. Re tande kanaval la anko nap banm rezon."

KM!

[Jdean Brieh]

monche m padone w pou tit kanaval la apre tout sa w di yo laa...
nou vinn komprann a ki ide w t fe kanaval la nap kitel mache
mesi pou konsey yo Atis.respekte
_________________
quand on ne peut pas vivre sous unbleu ciel il faut partir à la recherche d'autre soleil, car la vie n'a pas de patrie.

[Pitit Ginen]

Atis la ou fin pale wi. Mwen kontinye renmen bèl marabou m yo men bagay yo transfòme nan men nou wi. Van vire big time! Sitou ak pakèt fatra Minista sa yo ki vare sou peyi a, nou pratikman pèdi jenerasyon jèn jodi a. Nou toujou ap di mond lan chanje, bagay yo paka rete menmjan an. Sa nou pa reyalize, mond lan chanje a se pou pèp ki alyene, pèp ki te pase anba lesklavaj kote yo alyene lespri moun yo.

Si ou li sou Listwa moun Arab ak pèp azyatik yo, wa p wè Mondyalizasyon ou pa, moun sa yo rete egal ak tèt yo. Pandan ke tout kote y ap pale sou Mizilman ki teroris, ti medam mizilman yo vin pi radikal toujou. Sèke, yo gen moun kap fòme yo, kap travay konsyans yo, kap gide yo. Mwen konn yon kantite jèn fi mizilman ki koumanse pote vwal ekzatteman apre evènman 11 septanm 2001 yo. Chak fwa medya ap pale tenten, plis y ap kontinye pote vwal yo. Mwen konn yon dividal demwazèl mizilman ke m konn kwaze nan inivèvisite ki pat nan koze vwal anvan, koulye-a tout vwale nèt. Pandanstan sa, jèn fi nou yo fin neye tèt yo, sèvèl yo nan alyenasyon. Jodi-a, si w ta mande yon demwazèl ayisyen ki Valè li, mwen pa kwè li ka ba w yon repons dirèk. Sèvèl jèn nou yo depaman. Yo pa gen okenn modèl. Menm legliz pa ka enfliyanse yo paske enstitisyon sa pwouve se sou fatra, blòf, vòlè, alyene moun ki déjà sòt ak pòv yo kanpe. Ou panse jèn nou yo pa gen yon refleksyon sou fatra ki Shalòm lan menmsi li fè pakèt milyon sou do malere malerèz ki nan mizè.

Pwoblèm idantite jèn nou yo ap travèse jounen jodi-a gen sous oswa eksplikasyon l nan fayit tout Enstitisyon nan peyi-a. Men, lè nou di fayit enstitisyon, gen yon lide ki anndan konsta sa, sa vle di tout sa ou ta ka rele elit (entèlektyèl, politik oswa ekonomik) pa kanpe sou anyen anndan peyi sa alòske se yo ki gen pou misyon met peyi-a sou ray. Nan listwa, si n remonte depi Lejip pase Lagrès pase nan Lanpi Pès plonje Ròm tèt dwat, se toujou yon elit ki defini pou majorite a trajektwa listwa. Youn nan bagay mwen koumanse ankouraje anpil konpatriyòt reflechi sou li sèke : ‘’yon Nasyon se reflè, Imaj elit ki alatèt li a’’. Yon peyi ki nan mizè vle di elit la tou nan mizè. Yon peyi ki analfabèt, vle di elit la tou analfabèt, sa vle di elit sa pap panse anyen ki gen grandè. Elit la se yon kokennchenn Senbòl, yon Limyè, yon Gid, yon Bousòl, yon Modèl, yon Referans ke rès pèp la ap swiv. Yo di pwason kòmanse pouri nan tèt. Yon elit ka p viv pou vant ak anba vant paka reprezante okenn Senbòl Sinyifikatif pou rès pèp la. Poutan, se nan trajedi sa ke nou trouve n jounnen jodi-a kote jèn nou yo san Bousòl, san Modèl, san Gid. Yo lage poukont yo, kifè yo paka oryante yo paske yo bezwen Bousòl sa, GPS, ‘’Elit Konsyan’’ sa ki se yon ‘’Nesesite Istorik’’. Yon pèp gendwa pa disparèt men yon pèp kote elit la pap panse pou rès sosyete-a riske tounen anyen. Gen anpil ekzanp nan listwa nan sans sa. Anpil. Sak te rive pèp Otoktòn yo, nou panse li paka rive nou. Al kwè sa. Yon sosyete kote jèn lan pap panse anyen serye, nou panse alalong sa pap gen okenn konsekans sou nou kòm pèp, al kwè sa.

Eksèsis m ap fè depi kèk tan, se poze Ayisyen tout laj ti kesyon sa ; ‘’ Lajan oswa Lide ‘’, sa vle di kisa ki pi enpòtan ‘’ lajan oubyen lide’’. Mwen pa vle repons tou lède enpòtan, moun k ap reponn lan dwe tranche, li dwe chwazi. Mwen koumanse konpile enfòmasyon sa yo ki pou mwen ki yon valè ki pi enpòtan pase dyaman. San dout, gen zanmi sou sit sa ki fè etid avanse menmjan ak mwen nan domèn Syans Sosyal. Lè n ap etidye yon fenomèn nou rekeyi sa yo rele ‘’ done anpirik (sa vle di poze moun kesyon oswa obsève sa mou nap fè ‘’ ki pèmèt nou analize epi konprann fenomèn n ap etidye a. Senp ti kesyon sa ‘’ lajan oswa lide’’ pra l ede m evalye kilè li ye nan òlòj istorik peyi Dayiti. Jènès sa k ap koule nan men nou an, gen yon Ijans pou n mete l sou ray. Tan listwa a pa pou nou pase nou gen yon kokennchenn travay ‘’Depwogramasyon ‘’ pou n fè apre kolonizasyon an fin dekonstonbre tout kòtòf sèvò nou. N ap espere gen moun nan elit la k ap konprann nesesite pou yo kòmanse fè travay sa anndan lekòl. Si yo te ka koumanse l anvan m tounen Ayiti pou met men, mwen ta kontan. Mwen espere nèg vanyan anndan Akademi Kreyòl la ap koumanse fè travay sovtaj sa. Pase jenès sa nou wè k ap koule a, se Nanchon li menm k ap plonje.

Pa gen yon bagay ki rele tan chanje. Gen senpman pèp ki alyene, ki pap panse anyen, ki kite lòt moun, sa yo wè nan televizyon ak entènèt manipile sèvèl yo. Jèn fi ak jèn gason Azyatik lan nan Modènite règ chèch pandan l chita nan ‘’ laye kilti li’’, jèn mizilman an gen doktora nan men l, li pran Harvard, MIT, Columbia, Inivèsite Ottawa pandan l kanpe nan ‘’ lakou kilti l’’, Ayisyen an, depi l fè sa l konn li, li pa kanpe sou anyen, tout sèvèl li lave, li dekonekte ak reyalite peyi l. Kisa k valè jèn Ayisyen an? Si gen chèchè sou sit sa, al fouye dimansyon sa kay jèn nou yo. Kidonk, li pa etonan ke sèl valè yo ka bay tèt yo se montre kò yo, met fo cheve, pase krèm radòt sou kò yo, kouche pou senk kòb adwat agoch. Se nan pwen sa nou ye jodi-a. Se nan pwen sa, elit peyi a ye.

Elit nou yo ap viv pou 2 goud, 2 gouden. Yo pa gentan pou yo panse chimen Limyè, Wout Grandè. Notre ‘’élite’’ ne vit que pour le ventre te le bas-ventre. Konsa, nou gen yon jenès ki aladeriv, nan drive. Se sa l ye. Nou gen travay nan men nou wi pou sove Nasyon sa. Sove Nasyon an vle di Met Lespri lajenès kanpe Djanm. Sa mande pote yon lòt diskou, yon lòt Refleksyon, yon lòt analiz anndan lekòl. Pa gen anyen ki chanje. Se jèn nou ki pi Alyene chak jou. Men sa n rele chanjman an.

[mistergentle]

M' p'ap pran sa nan men Mass Vokal.

I can't pretend to talk on behalf of the ladies out there. However, I just listened to the kanaval, and I just have to point out that if he was trying to send a positive message to them, he just chose a very sexist and misogynistic way to do it.

I don't have the time nor the desire to write down the lyrics of the first 2 mins 24 secs of the kanaval. I was shocked at what I was listening to.

I have to admit that there also was a very positive message from the 2'25" to the 3'12" mark, but the first portion was uncalled for and very offensive in my opinion.
_________________
Lèzòm pè kou chat !

[belfam]

Gosh neg la fe m regret mwen se HAITIENNE kerttt
Anyway carry on !!!
_________________
music is my life