Re: RORO Djakout adresse rumeurs pwoblemes SHABBA yo! (AUDIO)!
PostPosted: Fri May 06, 2016 12:41 am
Bagay sa-a pa fouti fini byen. N'a di m te di nou sa sa, Shabba ap kite Djakout. E pou m ale pi lwen, se yon pye Shabba ki anndan Djakout toujou, lòt la deyò. Se pa okenn enfòmasyon mwen genyen; se jis mwen k'ap analize sitiyasyon an. Se opinyon pa m.
Depi w wè nenpòt mizisyen ki nan yon djaz kontinye ap fè albòm solo, sa vle di mizisyen an deja sou wout pou l kite djaz sa-a. Lespri l gentan lòt kote, li vle eksplore lòt teren, li vle fè lòt pi gwo bagay, daprè li, ki pi wo ke nivo djaz l'ap evolye a. Si nou byen konte, Shabba fè 2 albòm solo deja, e li aktyèlman ap travay sou 3èm albòm solo l. Tout sa te deja kòmanse trase teren an....
Lòt bagay ankò, san ke nou poko tande vèsyon pa Shababa a, tande ki jan Roro ap pale. Se youn nan pi gwo pwoblèm mizisyen Djakout yo lè yo gen yon ti pwoblèm antre yo; yo youn pa konn pale an piblik. Yo chak santi yo twòp pou tèt yo nan djaz la. Anvan ti krik ti krak yo batay antre yo, bay lòt kalòt, rale zam sou lòt, derespekte len lòt pou pa parèt pou anyen. Nèg yo trè gwosyè. Mwen pa konn si se nan nivo ediksyon mesye yo sa sòti, oubyen èske se bourik nèg yo jis bourik. Fason Roro pale la-a, li deja pa kite pòt la ouvri pou menm yon ti chita pale. Nou menm Ayisyen, menm si nou pap replike, nou pa renmen moun pale avèk nou nenpòt fason. Pa gen yon Ayisyen k'ap evolye menm kote avèk yon moun pou l tande moun sa-a pale de li jan Roro pale de Shabba la-a pou l kontinye ap griyen dan avèk moun sa-a. Tout zanmitay kraze. Jan Roro pale a, li montre Shabba, sou nenpòt pozisyon Shabba panse l kanpe, li menm Roro, Shabba pa plis pase l. Tout sa Shabba genyen yo, li depase l li-menm. Pou ki sa la-a pou tout bagay sa yo ye te bezwen ap pale an piblik, afè de pi bèl kay, pi bèl oto, pi bèl fanm, plis lajan.... Se chante Klass la alò, pati kote groove Jay Brooklyn nan ap mache a... LOL !
Mwen deja prevwa sa, nou mèt ekri l epi n'ap ban m rezon. Shabba pral fè pwòp djaz pa l. L'ap pran kèk bon grenn mizisyen ki pap regle anyen serye deyò a, ki pa nan okenn djaz aktyèlman, epi y'ap fòme yon djaz...
NT
Depi w wè nenpòt mizisyen ki nan yon djaz kontinye ap fè albòm solo, sa vle di mizisyen an deja sou wout pou l kite djaz sa-a. Lespri l gentan lòt kote, li vle eksplore lòt teren, li vle fè lòt pi gwo bagay, daprè li, ki pi wo ke nivo djaz l'ap evolye a. Si nou byen konte, Shabba fè 2 albòm solo deja, e li aktyèlman ap travay sou 3èm albòm solo l. Tout sa te deja kòmanse trase teren an....
Lòt bagay ankò, san ke nou poko tande vèsyon pa Shababa a, tande ki jan Roro ap pale. Se youn nan pi gwo pwoblèm mizisyen Djakout yo lè yo gen yon ti pwoblèm antre yo; yo youn pa konn pale an piblik. Yo chak santi yo twòp pou tèt yo nan djaz la. Anvan ti krik ti krak yo batay antre yo, bay lòt kalòt, rale zam sou lòt, derespekte len lòt pou pa parèt pou anyen. Nèg yo trè gwosyè. Mwen pa konn si se nan nivo ediksyon mesye yo sa sòti, oubyen èske se bourik nèg yo jis bourik. Fason Roro pale la-a, li deja pa kite pòt la ouvri pou menm yon ti chita pale. Nou menm Ayisyen, menm si nou pap replike, nou pa renmen moun pale avèk nou nenpòt fason. Pa gen yon Ayisyen k'ap evolye menm kote avèk yon moun pou l tande moun sa-a pale de li jan Roro pale de Shabba la-a pou l kontinye ap griyen dan avèk moun sa-a. Tout zanmitay kraze. Jan Roro pale a, li montre Shabba, sou nenpòt pozisyon Shabba panse l kanpe, li menm Roro, Shabba pa plis pase l. Tout sa Shabba genyen yo, li depase l li-menm. Pou ki sa la-a pou tout bagay sa yo ye te bezwen ap pale an piblik, afè de pi bèl kay, pi bèl oto, pi bèl fanm, plis lajan.... Se chante Klass la alò, pati kote groove Jay Brooklyn nan ap mache a... LOL !
Mwen deja prevwa sa, nou mèt ekri l epi n'ap ban m rezon. Shabba pral fè pwòp djaz pa l. L'ap pran kèk bon grenn mizisyen ki pap regle anyen serye deyò a, ki pa nan okenn djaz aktyèlman, epi y'ap fòme yon djaz...
NT
